Грекийн эдийн засаг сайжирч байгаа талаар тус улсын Сангийн сайд Яаннис Стурнарас мэдэгдлээ. Ингэснээр Грек улс энэ онд хямралын нөхцөл байдлаас гарна гэж үзжээ. Үүний нэг нотолгоо нь өнгөрсөн оны гуравдугаар сард 13 хувьд хүрээд байсан Грекийн Засгийн газрын 10 жилийн хугацаатай бондын хүү мягмар гарагийн байдлаар найман хувьд хүрч буураад байгаа юм. Грек улс Европын холбоог зургаан сарын хугацаатайгаар даргалахаар болсон бөгөөд үүнтэй холбоотой ёслолын ажиллагаа өнөөдөр болно. Ёслолын ажиллагааны аюулгүй байдлыг хангах зорилгоор 2000 цагдаагийн албан хаагч ажиллахаар болжээ. Дашрамд дурьдахад Европын холбоог даргалах хугацаандаа Грекийн тал зээлдүүлэгчидтэй хэлэлцээ хийж, олон тэрбумаар хэмжигдэж байгаа өрийн асуудлыг зохих түвшинд хүргэнэ гэж тооцоолж байгаа ажээ. 

Т.Элиса 

Холбоо барих: elisa.t@bloombergtvmongolia.com 

minjma.g@bloombergtvmongolia.com