Газрын тосны үнэ сүүлийн гурван өдөр дараалан өслөө. “Их 7”-ийн гишүүн орнууд ОХУ-ын газрын тосны экспортод хориг тавих болсон нь зах зээлд нийлүүлэлт буурах эрсдэл дагуулж байна.

OPEC-ийн Өргөтгөсөн бүлэг лхагва, пүрэв гарагт уулзаж, наймдугаар сард нийлүүлэх газрын тосны гарцаа тогтооно. OPEC-ийн Өргөтгөсөн бүлэг гарцаа нэмэгдүүлж, газрын тосны зах зээлийг тэнцвэржүүлэх амлалт өгөөд байсан юм. Хэдий тийм боловч гарц нь төлөвлөгөөт хэмжээнээс хагас тэрбум баррелиар бага байна.

Үүнээс гадна БНХАУ-д COVID-19-ийн халдварын тархалт харьцангуй буурч байгаа гэдэг утгаараа эрэлт эргэн нэмэгдэх төлөвтэй байна. Сүүлийн байдлаар газрын тосны үнэ баррель нь 112 ам.долларт хэлбэлзэж байна.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com