Монгол Улсад хийгдэж байгаа гадаадын шууд хөрөнгө оруулалтын хэмжээ 2013 оны эхний 11 сарын байдлаар 2.1 тэрбум ам.доллар болж нэг жилийн өмнөхөөс 50 хувиар буураад байгаа юм. Монгол Улсад хөрөнгө оруулагчдын дийлэнх нь Хонгконгийн Хөрөнгийн бирж болон банк, санхүүгийн байгууллагаар дамжсан хэвээр байгаа боловч энэ нь 2012 оны гуравдугаар улирлын эцсийн дүнтэй харьцуулахад 28 хувиар буурсан байна. Харин энэхүү хөдөлгөөн БНСУ, ОХУ, Австрали руу шилжжээ. Тухайлбал 2013 оны гуравдугаар улирлын эцсийн дүнгээр Монгол Улсад хийгдсэн нийт хөрөнгө оруулалтын гурван хувийг БНСУ, нэг хувийг ОХУ, дөрвөн хувийг Австрали бүрдүүлж байсан байна. 2010 оны эцсийн гүйцэтгэлээр гадаадаас хийгдэж байгаа хөрөнгө оруулалтын 28 хувь нь Хонгконгоор дамжиж байсан бол 16 хувь нь Канад мөн 16 хувийг нь АНУ бүрдүүлж байсан байжээ. Өөрөөр хэлбэл сүүлийн дөрвөн жилийн хугацаанд гадаадын хөрөнгө оруулагчдын хандлага Ази руу илүүтэйгээр шилжсэн байна. Гэхдээ энэ нь зөвхөн хөрөнгө дамжиж байгаа урсгал юм. 

З.Энхболор 

Холбоо барих: enkhbolor.z@bloombergtvmongolia.com 

minjma.g@bloombergtvmongolia.com