Энэ оны хоёрдугаар улирлын эцсийн байдлаар Монгол Улсын гадаадаас татсан хөрөнгө оруулалтын хэмжээ нь гадагш чиглэсэн хөрөнгө оруулалтаас 18 тэрбум ам.доллараар илүү гарчээ. Энэ нь гадаадын шууд хөрөнгө оруулалт, багцын болон бусад хөрөнгө оруулалт, гадаадын шууд хөрөнгө оруулалттай аж ахуйн нэгжийн хөрөнгө оруулагчаасаа татсан зээлийн санхүүжилтийн үлдэгдлээс голлон хамаарч байна. Мөн Монгол Улсаас эдийн засгийн харъяат бүст оруулсан хөрөнгө оруулалтын дүн 4.6 тэрбум ам.доллартай тэнцжээ. Үүнээс 56 хувийг гадаад валютын албан нөөц, 20 хувийг бусад хөрөнгө оруулалтын актив, мөн 20 хувийг нь шууд хөрөнгө оруулалт, үлдсэн гурван хувийг багцын хөрөнгө оруулалт тус тус эзэлж байна. Монгол Улс дахь гадаадын шууд хөрөнгө оруулалтын 33 хувийг буюу 4.9 тэрбум ам.долларыг хувь нийлүүлэгчийн дүрмийн сан дахь хөрөнгө оруулалт харин үлдсэн 67 хувийг нь толгой компаниасаа авсан зээл бүрдүүлжээ. Гадаад хөрөнгө оруулалтын богино позиц төлбөрийн тэнцлийн орох, гарах урсгалаар 358.5 сая ам.доллар, ханшийн зөрүүгээр 27.8 сая ам.доллар, бусад өөрчлөлтөөр 1.2 тэрбум ам.доллараар буурсан бол үнийн өөрчлөлтөөр 56.1 сая ам.доллараар өссөн байна.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com