Хонгконгийн сонгуулийн системийг шинэчлэх хуулийг Бүх Хятадын Ардын Төлөөлөгчдийн Хурлын чуулганаар баталлаа.

Энэхүү хуулийн хүрээнд Хонгконгийн захирагчийг сонгодог байгууллагын бүтэц, бүрэлдэхүүнд өөрчлөлт орно. Түүнчлэн Хонгконгийн хууль тогтоох байгууллагын гишүүдийг нэр дэвшдэг болгох юм. "Энэ алхам Хонгконгийн улс төрийн орчныг үндсээр нь өөрчилнө" хэмээн Хонгконгийн их сургуулийн дэд профессор Ник Ор мэдэгдлээ.

Үүнээс гадна БХАТИХ-ын чуулганаар энэ оны эдийн засгийн өсөлтийн зорилтот түвшнийг зургаа ба түүнээс дээш хувьд барихаар тогтоосон юм.

Чип, хиймэл оюун ухаан зэрэг чиглэлд судалгаа хөгжүүлэлт болон хөрөнгө оруулалтаа эрчимжүүлэхээр төлөвлөж байна. Энэ чиглэлд барууны нийлүүлэгчдээс хамааралтай байдлыг халах чиглэлд хурдтай арга хэмжээ авч байгаа юм.

Үүнээс гадна 5G сүлжээг нутаг дэвсгэрийнхээ 56 хувьд нь нэвтрүүлэхээр зорьж байна. Харин судалгаа хөгжүүлэлтийн зарцуулалтыг жилд долоон хувиар нэмэгдүүлэхээр төлөвлөжээ.

Томоохон эдийн засагтай орнууд дундаас зөвхөн БНХАУ-ын эдийн засаг өнгөрсөн онд өсөлттэй гараад байна. БНХАУ 2028 он гэхэд АНУ-ыг ардаа орхиж, дэлхийд тэргүүлэх эдийн засаг болох төлөвтэй байгаа юм.

Ж.Зоригт

Холбоо барих: zorigt.j@bloombergtvmongolia.com

minjma.g@bloombergtvmongolia.com