БНХАУ-ын Засгийн газар томоохон хотуудынхаа агаарын бохирдлыг бууруулахад зориулж 10 тэрбум юань зарцуулахаар болсон талаар Төрийн зөвлөлийн уулзалтаас гаргасан мэдээлэлд дурдсан байна. Энэ хүрээнд тус улсын эрчим хүчний гол эх сурвалж болох нүүрс болон шатахууны хэрэглээг танахаар болжээ. Гэхдээ энэ талаарх дэлгэрэнгүй мэдээлэл хараахан гараагүй байгаа аж.Түүнчлэн сэргээгдэх эрчим хүчний хэрэглээг нэмэгдүүлж, нүүрс хүчлийн хийн ялгаралтыг бууруулахад томоохон үүрэг гүйцэтгэсэн хүмүүсийг урамшуулахаар болсон төдийгүй татварын хөнгөлөлт, татаас, шинэ эрчим хүчний стандарт зэргийг шинэчлэн тогтоох юм байна. Мөн цөмийн эрчим хүчний үйлдвэрлэлийн хүчин чадлыг зөвхөн 2014 онд гэхэд 8.6 гигаваттаар нэмэгдүүлэхээр зорьж байгаа талаар БНХАУ-ын Эрчим хүчний газраас мэдээлжээ. Сүүлийн үед БНХАУ-д байгаль орчны асуудал хурцаар тавигдах болсон бөгөөд дэлхийн хэмжээнд хамгийн их агаарын бохирдолтой 20 хотын 16 нь тус улсад байдаг гэх судалгааг Дэлхийн банкнаас гаргаж байсан юм. 

Т.Элиса 

Холбоо барих: elisa.t@bloombergtvmongolia.com 

minjma.g@bloombergtvmongolia.com