Дэлхийн хэмжээнд шинэ төрлийн “коронавирус”-ийн халдвар авсан хүний тоо гурван сая (3,072,863) даваад байна.

ОХУ-д халдварын тохиолдол 6.4 мянгаар нэмэгдэж, 93.5 мянга хүрлээ. Ингэснээр БНХАУ-ын үзүүлэлтийг давж байна. БНХАУ-ын эрдэмтэд "Шинэ төрлийн “коронавирус” бүрэн устахгүй, ханиад томууны адилаар улирлын чанартай дахин идэвхжих магадлалтай" гэж мэдээллээ. Италид халдварын шинэ тохиолдол сүүлийн долоон долоо хоногийн, Германд таван долоо хоногийн доод түвшинд хүрсэн байна.

Харин Хонгконг Засгийн газрын байр болон нийтийн үйлчилгээний зарим газруудыг эргэн үйл ажиллагаанд оруулахаар болжээ. Сүүлийн таван долоо хоног хөл хорио тогтоосон Шинэ Зеланд хязгаарлалтаа цуцалж, хагас сая гаруй хөдөлмөр эрхлэгчийг ажилд нь эргэн оруулахаар болсон байна.

Дэлхийн хэмжээнд “COVID-19”-ийн халдвараар нас барсан 211.7 мянган тохиолдол бүртгэгдсэн бол 924.5 мянган хүн эдгэрээд байна.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com