БНХАУ-д COVID-19-ийн халдварын тархалт эрчимжиж, хязгаарлалтын арга хэмжээгээ чангатгаж эхэллээ. Өнгөрсөн хоногт тус улсад 206 тохиолдол шинээр бүртгэгдсэн байна. Энэ нь сүүлийн 21 сарын хамгийн дээд үзүүлэлт боллоо.

Халдварын голомт болоод буй Шиань хотод хатуу хөл хорио тогтоосон байна. Айл, өрхөөс зөвхөн нэг хүн л гэрээс гарч, шаардлагатай бараа, бүтээгдэхүүн худалдан авахыг зөвшөөрчээ.

Мөн Франц улсад COVID-19-ийн “Omicron” хувилбарын халдвар тархаж эхэлсэнтэй зэрэгцэн өдөрт бүртгэгдэх тохиолдол 100 мянга давлаа. Халдварын тархалт эрчимжиж байгаагаас ирэх сараас эхлэн зөвхөн вакцины бүрэн тунд хамрагдсан иргэдийг л олон нийтийн байгууллагаар үйлчлүүлэхийг зөвшөөрөх талаар хэлэлцэж байна.

Үүнээс гадна АНУ-д COVID-19-ийн “Omicron” хувилбар тархаж эхэлснээр халдвар эрчимжээд байна. Үүний улмаас тус улсын агаарын тээврийн компаниуд ажиллах хүчний хомстолд орж, Зул сарын баярын үеэр 2800 гаруй нислэг цуцлагджээ. АНУ-ын Халдварт өвчин судлалын институтээс COVID-19-ийн “Omicron” хувилбар хурдан халдварлах чадварын улмаас тохиолдол эрс нэмэгдэхийг анхааруулж байна.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com