БНАСАУ-ын албаныхан тус улсад COVID-19-ийн шалтгаант анхны нас баралт бүртгэгдсэн талаар мэдээллээ.

Мөн тус улсад дөрөвдүгээр сарын эцсээс хойш өндөр халууруулдаг халдварт өвчин тархаад байгаа аж. Энэхүү халдварт өвчнөөр 350 мянган хүн өвчилж, зургаан хүн нас баржээ.Нас барсан иргэдийн нэг нь COVID-19-ийн халдвартай байсан байна.

Пүрэв гарагт БНАСАУ-д COVID-19-ийн “Omicron” хувилбарын анхны тохиолдол бүртгэгдсэнээр тус улсын удирдагч Ким Жон Ун томоохон хотууддаа хатуу хөл хорио тогтоогоод байгаа юм.

Үүнээс гадна Бээжин хотод хөл хорио тогтооно гэсэн мэдээллийг тус хотын удирдлагууд үгүйсгэлээ. Тиймээс иргэдийг хүнсний бүтээгдэхүүн их хэмжээгээр худалдан авч, нөөцлөхгүй байхыг уриалсан байна.

COVID-19-ийн халдварын тархалтыг бууруулахын тулд хөл хорио тогтоохоос илүүтэйгээр хөл хөдөлгөөн ихтэй 11 дүүрэгт шинжилгээ авна гэж албаныхан мэдээлжээ. Сүүлийн байдлаар Бээжин хотод COVID-19-ийн халдварын 36 тохиолдол бүртгэгдсэн байна.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com