Банкууд 42.3 сая ам.долларын дүнтэй төгрөг болон ам.долларын своп хэлцэл хийх санал ирүүлжээ
Хоёрдугаар сарын дөрөвний өдрийн гадаад валютын дуудлага худалдаанд Монголбанк оролцсонгүй. Энэ удаагийн арилжаагаар банкууд ам.доллар болон юань худалдан авах санал ирүүлжээ. Өнөөдрийн арилжаанд гадаад валютын своп, форвард хэлцлээр арилжааны банкууд 42.3 сая ам.долларын дүнтэй төгрөгийн болон ам.долларын своп хэлцэл хийх санал ирүүлж, Монголбанк саналыг 100 хувь биелүүлсэн байна. Гадаад валютын дуудлага худалдаа нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм. Дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог болохыг Монголбанкнаас мэдээллээ.
Холбоо барих: minjma.g@bloombergtvmongolia.com