Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга Ч.Сайханбилэгийг Ерөнхий сайдад нэр дэвшүүлэх асуудлыг МАН-ын Удирдах зөвлөл хэлэлцэж, дэмжихгүй гэсэн шийдвэр гаргасан талаар дотоод эх сурвалжууд мэдээлээд байна. Энэ асуудлаар өмнө нь МАН-ын бүлэг хуралдсан боловч санал хураалт явуулаагүй. Харин Ардчилсан нам Монгол ардын намд хандсан учраас эцсийн шийдвэрийг тус намын удирдах зөвлөл гаргаж байгаа бөгөөд Монгол ардын намын шийдвэрийн талаар албан ёсоор мэдээлэл хийхээр хүлээгдэж байна. Харин энэ асуудлаар Төрийн байгуулалтын байнгын хороо хуралдаж Ерөнхий сайдад Ч.Сайханбилэгийг нэр дэвшүүлэхийг дэмжих эсэх тухай хэлэлцэнэ. Гэхдээ намын бүлгүүдийн шийдвэрийг заавал авч хэлэлцэх шаардлагагүй гэж УИХ-ын Төрийн байгуулалтын байнгын хорооны дарга А.Бакей мэдээлэв.

Б.Дуламхорлоо

Холбоо барих: dulamkhorloo.b@bloombergtvmongolia.com

minjma.g@bloombergtvmongolia.com