Монгол Улсын Шадар сайд Д.Тэрбишдагвын санаачлагаар “Ард түмэн Та-Хаан” форум хоёр дахь жилдээ зохион байгуулагдаж байна. “Сахилга, хариуцлага” сэдвийн хүрээнд өрнөх энэхүү форумд төрийн болоод төрийн бус байгууллага, хувийн хэвшлийнхний төлөөлөлүүд оролцож байгаа юм. Монгол Улсын Ерөнхий сайд Н.Алтанхуяг форумын нээлтэд хэлсэн үгэндээ “Хариуцлагыг зөвхөн төр, төрийн байгууллага, албан тушаалтнууд ярихаас гадна иргэн өөрөө ярьдаг байх ёстой” гэдгийг онцоллоо. Түүнчлэн тэрбээр “Өнгөрсөн хугацаанд Төрөөс иргэдээ сонсох “11 11” төвийг байгуулснаар иргэд төрдөө үгээ хэлж, шүүмжилдэг болсон. Мөн нийслэлийн 17 цэгт ТҮЦ машиныг суурилуулснаар иргэд төрийн үйлчилгээг түргэн шуурхай авах боломжтой болоод байгааг” онцоллоо. Харин Монгол Улсын Шадар сайд Д.ТэрбишдагваМонгол Улсын Засгийн газраас ард иргэдийнхээ дуу хоолойг сонсч, асуудлыг шуурхай шийдвэрлэж байх, төр, засгийн үйл ажиллагааг ил тод, нээлттэй, тунгалаг болгох чиглэлээр олон хэлбэрийн ажил санаачлан хэрэгжүүлж байгаагийн дотор энэхүү форум ард иргэдийнхээ дуу хоолойг сонсохоос гадна асуудлыг шийдвэрлэхэд тэдний оролцоог хангаж байгаагаараа ихээхэн ач холбогдолтой арга хэмжээ болдог" гэсэн юм. Өнгөрсөн жилийн форумыг иргэд, олон нийтийн эрх ашиг, эрүүл мэндийг хамгаалах, иргэн, аж ахуйн нэгжид тулгамдаж байгаа асуудлыг судлан шийдвэрлэх, хэрэглэгчийн болон иргэний нийгмийн оролцоог өргөтгөх, идэвхжүүлэх зорилгоор зохион байгуулж байжээ.

Холбоо барих: minjma.g@bloombergtvmongolia.com