COVID-19-ийн “Omicron” хувилбарын халдварын тархалт эрчимжиж улс орнууд харилцан адилгүй арга хэмжээ авч байна.

АНУ-ын Халдварт өвчнийг хянах, урьдчилан сэргийлэх төвөөс COVID-19-ийн халдвар авсан иргэдийг тусгаарлах 10 хоногийн хугацааг тав хоног болголоо. Ойрын хавьтал болсон хүмүүсийн тусгаарлах хугацааг ч мөн адил бууруулжээ. Мэргэжилтнүүд COVID-19-өөр өвчилсөн хүмүүс шинж тэмдэг илэрч эхэлснээс хойших гурав хоногт хамгийн их халдвар тараах эрсдэлтэй гэж үзэж байгаа аж.

Харин Их Британийн хувьд нэг өдөрт бүртгэгдэх халдварын тохиолдол 98 мянга хүрсэн байна. Хэдийгээр “коронавирус”-ийн халдвар эрчимтэй тархаж байгаа ч хатуу хөл хорио тогтоохгүй гэсэн байр суурьтай байна.

Франц улс албан байгууллагуудыг ажилтнуудаа долоо хоногтоо гурван удаа зайнаас ажиллуулахаар төлөвлөжээ. Тухайлбал: гэрээсээ ажиллах боломжтой хүмүүсийг оффист нь авчрахгүй, ойрын хавьтал болох эрсдэлийг нь бууруулахыг анхааруулж байна.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com