НҮБ-ын “COVAX” хөтөлбөрийн хүрээнд АНУ 5-12 насны хүүхдийн 300 мянган тун вакциныг Монгол Улсад хандивлахаар боллоо.

5-11 насны хүүхдүүдийг COVID-19-ийн эсрэг вакцинд хамруулах асуудлаар Дархлаажуулалтын үндэсний хороо ойрын хугацаанд хэлэлцэнэ гэж ХӨСҮТ мэдээлсэн юм. Зургаадугаар сарын 16-ны өдрийн байдлаар улсын хэмжээнд 12-15 насны 158 мянган хүүхэд, 16-17 насны 78 мянган хүүхэд вакцинд хамрагдаад байгаа ажээ.

Үүнээс гадна лхагва гарагт АНУ-ын Хүнс, эмийн удирдах газар зургаан сартайгаас дөрөв хүртэлх насны хүүхдүүдэд “Moderna” болон “Pfizer”-ийн вакцины гуравдугаар тун хийх саналыг дэмжсэн байна.

Ингэснээр ирэх мягмар гарагаас бага насны хүүхдүүдийг нэмэлт тунд хамруулж эхлэх боломжтой болж байгаа ажээ.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com