АНУ-ын удаан эдэлгээтэй бараа бүтээгдэхүүний захиалга сүүлийн гурван сард өссөн ч 2012 оны наймдугаар сараас хойш байгаагүй их хэмжээгээр буурчээ. Тус улсын Худалдааны яамны мэдээлснээр, өнгөрсөн долдугаар сард гурваас дээш олон жилийн эдэлгээтэй бараа бүтээгдэхүүний захиалга 7.3 хувиар буурсан байна. Харин үүнээс өмнө буюу зургадугаар сард 3.9 хувиар өссөн үзүүлэлттэй гарчээ. Удаан эдэлгээтэй бараа бүтээгдэхүүний захиалгаас нисэх онгоц, компьютер болон цахилгаан барааны захиалга хамгийн ихээр буурсан байна. Шинжээчдийн зүгээс гадаад зах зээл сул байгаа нь АНУ-ын энэ төрлийн бараа бүтээгдэхүүний захиалга буурахад нөлөөлсөн гэж үзэж байна. Түүнчлэн АНУ-ын Засгийн газрын зардлыг танасан нь үйлдвэрлэлийг хазаарлаж байгаа ажээ. Харин цаашид хөдөлмөрийн зах зээл сайжирвал ирэх оны хоёрдугаар хагаст үйлдвэрлэл нэмэгдэх бүрэн боломжтой гэж шинжээчид онцолж байна.

Ж.Нямгэрэл

Холбоо барих: nyamgerel.j@bloombergtvmongolia.com

minjma.g@bloombergtvmongolia.com