Энэ оны нэгдүгээр сард АНУ-д шинэ орон сууцны борлуулалт таван жилийн дээд түвшинд хүрч өссөн байна. Энэ нь тус улсад цаг агаар хүйтэрсэн хэдий ч орон сууцны салбарын суурь нөхцөл байдал сайн байгааг бататгасан хэрэг болжээ. Өнгөрсөн нэгдүгээр сард тус улсын шинэ орон сууцны борлуулалт бүтэн жилийн дүнгээр 9.6 хувиар өсч 468 мянга болсон нь шинжээчдийн таамгийг даваад байна. Мөн 2013 онд шинэ орон сууцын эрэлт 16.3 хувиар нэмэгдсэн нь таван жилийн дээд түвшин болсон талаар АНУ-ын Худалдааны яамнаас танилцуулжээ. Харин хоёрдугаар сард шинэ орон сууцны борлуулалтын дундаж үнэ өмнөх сараасаа 3.4 хувиар өсч 260 мянга 100 болсон байна. Шинэ орон сууцны борлуулалтыг бүс нутгаар нь хувааж харахад АНУ-ын зүүн хойд хэсгийн борлуулалт 73.7 хувь нэмэгдэж 2012 оны зургадугаар сараас хойших дээд өсөлтийг харуулжээ. Мөн баруун нутгаар борлуулалт 11 хувь, харин хойд хэсгээр 10.4 хувиар өссөн бол нутгийн баруун төв хэсэгт 17.2 хувиар буурсан байна. Харин шинэ орон сууцны нийлүүлэлт 4.7 хувиар удааширсан нь өмнөх сараас 0.5 хувиар бага буюу долдугаар сараас хойших доод түвшин болсон байна. Мөн нэгдүгээр сард хэрэглэгчдэд сонголт хийх 184 мянган шинэ орон сууц байсан нь 12 дугаар сараас өөрчлөлт гараагүй гэсэн үг юм. Хэдийгээр шинэ орон сууцны салбар өсөлттэй гарсан ч гэсэн, нийлүүлэлт буурч мөн зээлийн хүү өсч байгаа нь тус салбар илүү өндөр өсөлтийг харуулахад саад учруулж байгаа ажээ. 

Д.Хаш-эрдэнэ 

Холбоо барих: hash-erdene.d@bloombergtvmongolia.com 

minjma.g@bloombergtvmongolia.com