Нийслэлийн Иргэдийн төлөөлөгчдийн хурлын тэргүүлэгчдийн тогтоолоор иргэн, аж ахуйн нэгж байгууллагуудыг өөрсдийн эзэмшил газар болон ойр орчныхоо 50 метр хүртэлх нийтийн эзэмшлийн зам талбайд ногоон байгууламж бий болгох, арчилгаа цэвэрлэгээг хариуцах, өвлийн улиралд цас, мөсийг нь арилган, хальтиргаа гулгаа үүсгэлгүйгээр, иргэдийн тав тухтай амьдрах орчин нөхцөлийг бүрдүүлж ажиллахыг үүрэг болгосон байдаг. Энэ дагуу нийтийн үйлчилгээний “Улаанбаатар” нэгтгэлээс нийт аж ахуйн нэгжүүдэд дээрх тогтоолыг биелүүлэн ойр орчныхоо 50 метр хүртэлх нийтийн эзэмшлийн газрын цэвэрлэгээг хийж, өвлийн улиралд цас, мөсийг нь арилгаж ажиллахыг анхааруулан мэдэгдэл хүргүүлжээ. Одоогийн байдлаар Энх Тайвны өргөн чөлөө дагуу үйл ажиллагаа явуулдаг 300 гаруй аж ахуйн нэгжид мэдэгдэл хүргүүлээд байгаа бөгөөд цаашид Их тойруу, Бага тойруу, Нарны зам дагуух аж ахуйн нэгжүүдийг хамруулах юм байна.

Холбоо барих: minjma.g@bloombergtvmongolia.com