Ажиллах хүчний оролцооны түвшин энэ оны гуравдугаар улиралд улсын хэмжээнд 62.1 хувь, хотод 54.8 хувь харин хөдөөд 74.9 хувь байна гэж Үндэсний статистикийн хорооноос мэдээллээ. Түүнчлэн улсын хэмжээнд ажилгүй иргэд 89.5 мянга байгаагийн 42.7 мянга буюу 47.7 хувь нь эрэгтэйчүүд, 46.8 мянга буюу 52.3 хувь нь эмэгтэйчүүд байгаа ажээ. Мөн ажилгүйдлийн түвшин улсын хэмжээнд 7.6 хувьтай байна гэж холбогдох газраас мэдээллээ. Үүнээс гадна энэ оны гуравдугаар улирлын судалгааны дүнгээр нэг өрхийн сарын дундаж мөнгөн орлого 868.4 мянган төгрөгт хүрсэн нь өмнөх оны мөн үеийнхээс 14.7 хувиар нэмэгдсэн үзүүлэлт аж. Харин өрхийн сарын дундаж мөнгөн зарлага 835.9 мянган төгрөг болж, жилийн өмнөхөөс 26.7 хувиар өссөн байна.

Холбоо барих: Tsatsralt.b@bloombergtvmongolia.com