“Yahoo” компанийн орлого III улиралд дахин буурч, 1.23 тэрбум ам.доллар болжээ. Ингэснээр тус компанийн борлуулалт 2009 оноос хойших хамгийн огцом уналттай нүүр тулаад байгаа юм. “Yahoo” компанийн Гүйцэтгэх захирал Марисса Майер мобайл болон олон нийтийн сүлжээний сегментээ дэмжихийн тулд таблет, ухаалаг гар утаснуудад зориулан олон үйлчилгээ нэвтрүүлэх болжээ. Хэдий тийм боловч “Facebook” болон “Google” зэрэг компаниудын өрсөлдөөн ширүүсч байгаа нь зах зээлийн хувь хэмжээ болон борлуулалт буурах гол шалтгаан болоод байгаа юм. Тодруулбал “Emarketer” байгууллагын хийсэн судалгаагаар “Yahoo” компанийн АНУ-ын мобайл зар сурталчилгааны зах зээлд эзлэх хувь 2017 он гэхэд 2.4 хувь болж, 0.9 хувиар буурах тооцоо гарчээ. Үүний зэрэгцээ мягмар гарагт Марисса Майер “Google” компанитай хайлтын систем, зар сурталчилгааны салбарт хамтрах гурван жилийн гэрээ байгуулснаа зарласан байна. Энэ нь цаашид санхүүгийн үзүүлэлтийг дэмжинэ гэж үзэж байгаагаа тэрбээр онцолжээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com