Шведийн автомашин үйлдвэрлэгч “Volvo” компани ирэх онд тансаг зэрэглэлийн “S90” шинэ загвараа танилцуулахаар төлөвлөж байна. Энэ удаад тус компанийн удирдлагууд “Audi A6”, “BMW 5 Series” and “Mercedes-Benz E-Class”-ийн хэрэглэгчдийг зорилтот зах зээлээрээ сонгожээ. БНХАУ-ын эдийн засгийг дагаад автомашины эрэлт нь ч мөн буураад байгаа юм. Хэдий тийм боловч “Volvo” компани шинэ загварын борлуулалтаараа дамжуулан ашиг, орлогоо нэмэгдүүлж Герман өрсөлдөгчдийнхөө хэмжээнд хүрэх зорилт тавьсан байна. Тодруулбал энэ онд 500 мянга харин 2020 он гэхэд 800 мянган автомашин нийлүүлэхээр төлөвлөжээ. БНХАУ-ын “Geely” компани “Volvo”-ийг 2010 онд 1.8 тэрбум ам.доллараар худалдаж авч байсан аж. Түүнээс хойш таван жилийн хугацаанд 11 тэрбум ам.долларын хөрөнгө оруулалтын хөтөлбөр хэрэгжүүлжээ. Үр дүнд нь “XC90” хэмээх “SUV” загвараа энэ онд танилцуулаад байгаа бөгөөд дараагийн загвар нь “S90” байх юм. Ерөнхийдөө “Geely”-ийн гол бодлого нь “Volvo”-ийн аюулгүй, найдвартай гэсэн нэр хүндийг хамгаалах зорилготой ажээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com