Австрали, Торонтогийн Хөрөнгийн биржид давхар бүртгэлтэй “Xanadu Mines” компани "Хармагтай" ордын өндөр агуулгатай алтны эрдэсжилт бүхий хэсэгт өрөмдлөг эхлүүлж байгаа талаар мэдээллээ.

“Хармагтай” ордын “Stockwork Hill” талбайд хоёр алмазан өрөмдлөг эхлүүлсэн байна. Өмнөх өрөмдлөгийн үр дүнд тус талбайд зэс, алтны эрдэсжилт бүхий хэд хэдэн хэсгийг олж тогтоосон талаар мэдээлж байсан юм. Түүнчлэн Дорноговь аймгийн нутагт орших “Red Mountain” буюу "Улаан уул" нэртэй зэс, алтны талбайн өрөмдлөгийн ажил үргэлжилж байгааг онцолсон байна. Хайгуулын үр дүнг энэ сард танилцуулах товтой байна.

Мягмар гарагийн байдлаар Австралийн Хөрөнгийн биржид “Xanadu Mines” компанийн хувьцаа 0.051 австрали долларт арилжиж байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com