“Hollywood”-ийн жүжигчин, хятад гаралтай Фан Бинбин олны өмнө ил гараагүй бараг гурван сар болоод байна.

Тэрбээр өнгөрсөн зургаадугаар сард ашиг, орлогоо худал мэдүүлсэн, татвараас зайлсхийсэн хэргээр шалгагдаж, хилийн хорио тогтоолгосон аж. Түүний үргэлж идэвхтэй байж ирсэн, 62 сая дагагчтай “Weibo” цахим хуудас зургаадугаар сараас хойш огт шинэчлэгдээгүй байна. Саяхан төрсөн өдөр нь болсон ч нийгмийн сүлжээгээр ямар ч сүр дуулиан болоогүйг ажиглагчид мөн онцолж байна. Фан Бинбин 2014 онд “20th Century Fox”-ийн бүтээл супер баатрын сэдэвт “X-Men” цувралын долоодугаар анги "X-Men: Days of Future Past"-д тоглосноороо олонд танигдсан юм.

Тэрбээр шинээр гарахаар төлөвлөгдсөн тагнуулын сэдэвт, триллер төрлийн "355" кинонд Испанийн алдарт жүжигчин Пенелопа Крустай хамтран тоглохоор болсон талаарх мэдээлэл гарч байв. Мөн Америкийн алдарт жүжигчин Брюс Уиллисийн хамт "Air Strike" кинонд тоглохоор болсон байжээ.

Н.Номин-Эрдэнэ

Холбоо барих: nominerdene.n@bloombergtvmongolia.com

minjma.g@bloombergtvmongolia.com