АНУ-ын орон сууцны хамгийн том зээлдүүлэгч “Wells Fargo & Co.”-ийн дөрөвдүгээр улирлын орлого түүхэн дээд хэмжээндээ хүрсэн байна. Тодруулбал, тус банкны 2013 оны сүүлийн улирлын цэвэр ашгийн хэмжээ 10 хувиар нэмэгдэж 5.61 тэрбум ам.долларт хүрчээ. Ингэснээр “Wells Fargo & Co.”-ийн нэгж хувьцаанд ногдох ашгийн хэмжээ жилийн өмнөх үеэс 0.9 ам.доллараар нэмэгдэж нэг ам.доллар болсон байна. Харин Блумбергээс 33 судлаачийн дунд явуулсан судалгааны дунджаар тус банкны нэгж хувьцаанд ногдох ашиг нь 98 цент байх таамгийг дэвшүүлээд байсан юм. Үүнээс гадна Сан Францискод төвтэй тус банкны 2013 оны бүтэн жилийн ашгийн хэмжээ нь 16 хувиар нэмэгдэж 21.9 тэрбум ам.долларт хүрсэн болохыг албан ёсны мэдээлэлдээ онцолсон байна. Ийнхүү “Wells Fargo & Co.”-ийн ашиг шинжээчдийн таамгаас өндөр гарахад тус банкны гүйцэтгэх захирал Жон Станфын зүгээс зардлаа танах болон орон тооны цомхотгол хийссэн нь голлон нөлөөлжээ. 

Ц.Мөнхжин 

Холбоо барих: Munkhjin.ts@bloombergtvmongolia.com