Дэлхийн банк уур амьсгалын өөрчлөлттэй тэмцэх амлалтаа зөрчиж, шатах түлшний салбарт хөрөнгө оруулалт хийсээр байна гэж Германы байгаль орчны лобби бүлэг болох "Urgewald" мэдэгдлээ.

2015 онд Парисын хэлэлцээр байгуулснаас хойш Дэлхийн банк 10.5 тэрбум ам.долларыг чулуужсан түлшний төслүүдэд зарцуулсан гэж тус байгууллага тооцоолжээ. Хамгийн сүүлийн жишээ гэвэл энэ онд Бразил дахь газрын тос, байгалийн хийн төслийг дэмжих “TOC” хөтөлбөрт 38 сая ам.доллар, өнгөрсөн онд Гайана дахь газрын тосны менежментийн төсөлд 20 сая ам.доллар зарцуулжээ.

2019 оноос хойш газрын тос, байгалийн хийн төслүүдийг санхүүжүүлэхээ зогсоосон ч түүхий эдээс хамааралтай хөгжиж буй орнуудад эдийн засгийн хувьд бололцоотой эрчим хүчний шийдлүүд олоход нь зөвлөгөө өгч байгаа гэж Дэлхийн банк мэдэгдсэн юм.

Олон улсын байгууллагууд хүлэмжийн хийн ялгаруулалтыг багасгах, уур амьсгалын өөрчлөлттэй тэмцэхийн тулд сэргээгдэх эрчим хүчний төслүүдэд хөрөнгө оруулсаар байгаа ажээ.

Т.Элиса | @elisa_elisat

Холбоо барих: elisa.t@bloombergtvmongolia.com

minjma.g@bloombergtvmongolia.com