Такси үйлчилгээний тэргүүлэгч, гар утасны программ хөгжүүлэгч “Uber” компани Нью-Йорк дахь “UberX” үйлчилгээгээ 20 хувиар хямдруулсан байна. Өөрөөр хэлбэл тус компани үнийн тарифаа энгийн такси үйлчилгээнээс хямд болгосон гэсэн үг юм. Учир нь хэрэглэгчид Нью-Йоркийн алдарт шар таксийг “Uber”-аас илүүд үзэж байгаа нь ийм шийдвэр гаргахад нөлөөлжээ. Одоогоор хямдралыг хэсэг хугацаанд үргэлжлүүлэхээр төлөвлөсөн ч эрэлтээс хамаарч цаашид хугацааг нь сунгаж магадгүй талаар “Uber” компанийн зүгээс мэдэгджээ. Тус компани үйлчилгээ бүрээс 20 хувийн ашиг авдаг бол “UberX” нь хамгийн хямд үйлчилгээнд тооцогддог байна. Харин Нью-Йорк хотод зөвхөн такси барих эрхтэй жолооч нар “Uber”-ээр дамжуулж үйлчилдэг бол бусад хотуудад ийм шаардлага тавьдаггүй байна. Одоогоор тус компанийн үнэлгээ 17 тэрбум ам.долларт хүрээд байгаа нь автомашин түрээсийн “Hertz Global” болон жижиглэн худалдааны “Best Buy”-ынхаас ч өндөр дүн болоод байгаа ажээ. 

Д.Хаш-эрдэнэ 

Холбоо барих: khasherdene.d@bloombergtvmongolia.com 

minjma.g@bloombergtvmongolia.com