“Оюу Толгой” төслийн 66 хувийг эзэмшдэг “Turquoise Hill Resources” компанийн хувьцааны ханш Торонтогийн Хөрөнгийн биржид лхагва гарагийн арилжаагаар 4.23 хувиар өссөн байна.

2019 оны тавдугаар сараас хойших хамгийн өндөр түвшинд дөхөж, арилжаа хаагджээ. Тус компанийн хувьцааны ханш сүүлийн дөрвөн өдөр дараалан, нийт 10.41 хувиар өсөөд байна.

“Turquoise Hill Resources” компани өөрсдийн боловсруулсан “Оюу Толгой” төслийн санхүүжилтийн төлөвлөгөөний хүчин төгөлдөр байдлыг хамгаалуулах түр шийдвэр гаргуулахаар “Rio Tinto”-ийн эсрэг арбитрт хандаад байгаа юм. Арбитр энэ хүсэлтийг хүлээн авч, холбогдох түр шийдвэрийг гаргаад байна.

Ингэснээр “Turquoise Hill Resources” компани “Оюу Толгой” төслийн санхүүжилт болон бусад асуудлаар төсөлд оролцогч талуудтай яриа хэлэлцээ хийх явцад “Rio Tinto” саад болох боломжгүй болсон юм.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com