“Tesla” компани “Model S”, “Model X” загваруудаа шинэчилж, тус бүрд нь “Plaid” гэх шинэ загварыг гаргахаар болсон байна.

“Model S Plaid” загвар нь хоёр хүрэхгүй секундэд 60 км/цаг хүртэл хурдлах чадалтай. Өөрөөр хэлбэл дэлхий дээрх хамгийн богино хугацаанд ийм хурд авах чадалтай автомашин байх аж. Энэхүү загварыг 112 мянга 990 ам.доллароор ирэх гуравдугаар сараас худалдаанд гаргана. Түүнчлэн нэг удаагийн цэнэглэлтээр 836 км зам туулах чадалтай “Plaid+” загварыг энэ оны сүүлээр худалдаанд гаргах юм байна.

“Model X Plaid” загвар нь “Model S Plaid”-тай олон талаар төстэй ч 2.5 секундэд 60 км/цаг хүртэл хурдлах чадалтай. Мөн өмнөх SUV загваруудаас хамгийн өндөр үзүүлэлттэй болохыг тус компани мэдээлжээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com