Кристофер Ноланы бүтээл "Tenet" кино олон улсын “Box Office”-оос 250 сая ам.долларын орлого оллоо.

Өөрөөр хэлбэл цар тахлаас хойш кино театруудад үзэгчдийг байлдан дагуулж буй томоохон бүтээлээр нэрлэгдэж байна. 200 сая ам.долларын төсвөөр бүтсэн энэхүү киноны хувьд зах зээлийн өрсөлдөөн харьцангуй бага байна гэж шинжээчид үзжээ.

Харин “Disney”-ийн “Mulan” кино олон улсын “Box Office”-оос 57 сая ам.долларын орлого олсон байна. Мөн адил 200 орчим сая ам.долларын төсвөөр бүтсэн энэхүү киноны хувьд харьцангуй бага үзүүлэлт болж байна. “Mulan” АНУ, Европын зарим орнуудад нээлтээ хийгээгүй байгаа юм. “Disney Plus”-ийн орлого жин дарна гэж найдаж байгаа аж.

Харин гол зах зээл болох БНХАУ-д дотоодын дайн, байлдааны сэдэвт “The Eight Hundred” кино орлогоор тэргүүлсэн байна. Тус кино одоогоор 425 сая ам.долларын орлого олсон талаар “Maoyan” мэдээллээ.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com