Дөрөвдүгээр сарын нэгнээс эхлэн нэмэгдүүлсэн худалдааны татвартай холбоотойгоор Японы томоохон үйлдвэрлэгчдийн итгэл зах зээлийн хүлээлтээс бага үзүүлэлттэй гарсан байна. Гуравдугаар сард 17 нэгж гарч байсан “Tankan” индекс өнгөрсөн сард 12 нэгж болж буурсан талаар Японы Төв банк мэдээллээ. Мөн “Tankan” судалгаанд оролцсон компаниуд энэ санхүүгийн жилд хөрөнгө оруулалтаа 7.4 хувиар нэмэгдүүлэх хүсэлтэй байгаагаа илэрхийлжээ. Харин “Mizuho Securities” байгууллагаас тус улсын эдийн засгийн өмнө тулгараад байгаа гол асуудал нь хэрэглэгчдийн зарцуулалт гэж үзсэн байна. Өнгөрсөн сард л гэхэд автомашин болон их дэлгүүрүүдийн худалдаа буурснаас гадна тавдугаар сард хэрэглэгчдийн зарцуулалт бүхэлдээ найман хувиар буурчээ. Хэдийгээр дөрөвдүгээр сард нэмэгдсэн татварын улмаас Японы эдийн засаг агшсан гэж шинжээчид үзэж байгаа ч үүний ачаар 20 гаруй жил үргэлжилсэн дефляциас салсан гэж Японы Ерөнхий сайд Шинзо Абэ онцолсон байна. Мөн энэ улирлын үзүүлэлтүүд худалдааны татварыг дахин нэмэх эсэхийг шийдэхэд чухал нөлөө үзүүлнэ гэдгийг ч мөн дурджээ. Үүнээс гадна “Toyota” компаниас худалдааны татварын нөлөө 1997 оныхоос харьцангуй бага байгаа төдийгүй зуны улиралд автомашины эрэлт өсөх төлөвтэй байгаа талаар мэдэгдлээ.

Д.Хаш-эрдэнэ 

Холбоо барих: khasherdene.d@bloombergtvmongolia.com

minjma.g@bloombergtvmongolia.com