Хонгконгийн Үнэт цаас, фьючерсийн хорооноос “Southgobi Resources”-ийг нээлттэй хувьцаат компанийн хэлбэрээр давуу эрхийн хувьцаагаа худалдаалах нь зүйтэй гэж үзсэн байна. Хонгконгийн Хөрөнгийн биржийн арилжаагаар дамжуулж тус компанийн хувьцааг эзэмшиж байгаа хөрөнгө оруулагчидтай холбоотой материал дээр үндэслэн ийм шийдэлд хүрсэн гэдгээ тус хорооноос мэдэгджээ. “Southgobi Resources” компани өнгөрсөн долоо хоногт тус хороонд хандан хяналтын хувьцааныхаа арилжаанд нээлттэй хувьцаат компанийн хэлбэрээр оролцохгүй байх эрхээ баталгаажуулах зорилгоор хүсэлт гаргаад байсан юм. “Southgobi Resources”-ийн 56 хувийг эзэмшдэг “Turquoise Hill Resources” компани эзэмшлийн хувиа худалдах сонирхолтой байгаагаа илэрхийлсэн байна. Харин үүний дараа “Southgobi Resources” компани гаргасан мэдэгдэлдээ хувьцааг нь худалдан авах сонирхолтой гуравдагч тал байгаа гэдгийг дурджээ. 

Т.Элиса

Холбоо барих: elisa.t@bloombergtvmongolia.com 

minjma.g@bloombergtvmongolia.com