“Softbank Group” Японы хөрөнгийн зах зээлд тэргүүлж эхэллээ. “Topix” индексийг 13 жилийн турш “Toyota Motor” компани тэргүүлж байсан юм.

Харин өнгөрсөн долоо хоногт “Softbank Group” тус индексийг хувьцааны арилжааны үзүүлэлтээр тэргүүлж, индексэд хамгийн нөлөө бүхий хувьцаа болоод байна. Хувьцааны зах зээл өсөж, тус группийн эзэмшдэг компаниудын үнэлгээ нэмэгджээ. “Softbank Group”-ийн хувьцааны ханш 30 орчим хувиар өсөөд байна.

Харин зах зээлийн үнэлгээгээр “Toyota Motor” тэргүүлсэн хэвээр байгаа юм. “Softbank Group” “Nikkei 225” индексэд хоёрдугаарт бичигдэж байгаагаас гадна зах зээлийн үнэлгээгээр “Toyota Motor”-ийн араас жагсаж байна.

Японд болсон газар хөдлөлт, хагас дамжуулагчийн хомсдол, АНУ-д цаг агаар хүйтэрсэн зэрэг шалтгаанаас үүдэн тус компанийн үйлдвэрлэл тасалдаж, сул зогсолт хийгээд байна. “Toyota Motor” дэлхийн хамгийн өндөр үнэлгээтэй автомашин үйлдвэрлэгчийн байр сууриа өнгөрсөн зун “Tesla”-д алдсан юм.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com