“Snapchat”-ийг ашиглан “Amazon”-аас бүтээгдэхүүн худалдан авах боломж тун удахгүй нээгдэх гэж байна. “Snap” болон “Amazon” компани хамтран ажиллахаар болсноо энэ долоо хоногт зарласан юм. Худалдан авахыг хүсэж байгаа бүтээгдэхүүнийхээ зураг эсвэл бар кодыг “Snapchat”-аар авснаар шууд “Amazon” руу холбогдож тухайн бүтээгдэхүүнээ худалдан авах боломжтой болох юм байна. Өөрөөр хэлбэл сонирхож буй бүтээгдэхүүнийхээ үнэ ханш, хаана зарагддагийг мэдэхгүй бол “Snapchat” ашиглан худалдан авах боломжтой гэсэн үг ажээ. Одоогоор худалдан авалт бүрээс “Snap” ашиг авах үгүй нь тодорхойгүй байгаа юм. Мөн энэхүү үйл явц туршилтынхаа шатанд явж байгаа юм байна. Хэдий тийм боловч хэрэгжиж эхэлбэл хувьцааны ханш нь түүхэн доод түвшиндээ хүрээд байгаа “Snap”-д эергээр нөлөөлнө гэж шинжээчид үзэж байгаа юм.

Сүүлийн нэг жилийн хугацаанд “Snap” компани “Snapchat” аппликэйшндээ шинэ зүйлийг маш ихээр туршиж байгаа ажээ. Тухайлбал, энэхүү аппликэйшнээр өөрийн нүүрний хувирал, хөдөлгөөнөөр тоглоом тоглох боломжтой болсон байна.

Б.Дөлгөөнзул

Холбоо барих: dulguunzul.b@bloombergtvmongolia.com

minjma.g@bloombergtvmongolia.com