Америкийн дэлгэцийн бүтээлийн шилдгийг тодруулдаг 72 дахь удаагийн “Emmy Awards” ёслолын үеэр Канадын “Schitt's Creek” цуврал есөн шагнал хүртлээ. Энэ нь инээдмийн төрлийн бүтээл нэг улиралд ийм олон шагнал хүртсэн анхны тохиолдол болж байна.

Харин “HBO”-ийн “Succession” цуврал энэхүү наадмын дээд шагнал буюу драм төрлийн шилдэг цувралаар шалгарчээ. Мөн гол дүрд тоглосон Жереми Стронг “Шилдэг эрэгтэй гол дүр”-ийн жүжигчнээр тодорсон байна.

Түүнчлэн 24 настай жүжигчин, дуучин Зендая өсвөр насныхны тухай “Euphoria” киногоороо драм төрлийн цуврал бүтээлийн “Шилдэг эмэгтэй гол дүр”-ийн жүжигчнээр шалгарлаа. Энэ удаагийн арга хэмжээг цар тахлын улмаас виртуал орчинд зохион байгуулсан юм.

Шагнал хүртсэн уран бүтээлчдийн олонх нь гэрээсээ холбогдож баярт мөчөө олонтой хуваалцжээ. Тэдэнтэй Лос-Анжелес хотын “Staples Center”-ээс хөтлөгч Жимми Киммел цөөн зочдын хамт холбогдож, баяр хүргэсэн юм.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com