Дижитал төхөөрөмжийн санах ойн карт үйлдвэрлэгч “SanDisk" компанийн орлого төлөвлөгөөндөө хүрэхгүй байж магадгүй гэсэн мэдээллийн дараа хувьцааных нь ханш огцом суларлаа. “SanDisk"-ийн нэгж хувьцааны ханш 13.88 хувиар суларснаар 2009 оноос хойших доод цэг буюу 83.57 ам.доллар болсон байна. Учир нь “SanDisk"-ийн 12 дугаар сарын 28-наар эцэслэсэн улирлын орлого нь 1.73 тэрбум ам.доллар болсон байж магадгүй гэж “Milpitas" агентлаг таамаглаж байгаа юм. Харин “SanDisk" компани орлогоо 1.8-1.85 тэрбум ам.долларт хүрнэ гэсэн урьдчилсан таамаг дэвшүүлээд байсан юм. Хувь хэрэглэгчийн ухаалаг гар утас болон таблет компьютерт зориулсан санах ойн картны эрэлт буурч байгаа гэж “SanDisk" компани мэдэгдэж байв. Энэ нь тус компанийн борлуулалтад сөргөөр нөлөөлнө гэж урьдчилсан тайландаа дурдаж байжээ.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com