Гар утас үйлдвэрлэгч “Samsung Electronics” компани анхны WiFi 6 сүлжээ дэмжих “Galaxy S10” ухаалаг гар утсаа гаргахаар боллоо.

Одоогоор зах зээлд WiFi 6 стандартыг дэмжих өргөн хэрэглээний рутер байхгүй ч “Samsung Electronics”-ийн шинээр гаргах “Galaxy S10” гар утас нь WiFi 6 стандартад нийцэн ажиллах юм байна. Тус төхөөрөмжийн сүлжээний давуу талыг бүрэн ашиглахын тулд гэрийн бусад интернетэд холбогдсон төхөөрөмжүүд ч мөн дээрх стандартыг дэмждэг байх шаардлагатай аж. Энэ сарын сүүлээр танилцуулагдахаар хүлээгдэж буй “Galaxy S10” болон том дэлгэцтэй “S10 Plus” гар утаснууд “Qualcomm”-ийн WiFi 6 стандартыг дэмждэг шинэ “Snapdragon 855” чипээр тоноглогдсон байх ажээ. “Samsung Electronics” компани энэ сард зөвхөн “Galaxy S10”, “S10 Plus” төхөөрөмжүүдээс гадна арай хямд үнэтэй “Galaxy S10e” загварыг танилцуулж магадгүй байна.

Б.Анхтуяа | @Ankhtuya_Bold

Холбоо барих: ankhtuya.b@bloombergtvmongolia.com

minjma.g@bloombergtvmongolia.com