“Samsung” компани даваа гарагт “Galaxy Fold” гар утсаа танилцуулах арга хэмжээндээ хэвлэл, мэдээллийнхнийг урьж оролцуулсан байна.

Танилцуулгын үеэр “Samsung” компани энэ онд нэг сая ширхэг дэлгэгдэж, таблет болдог гар утас үйлдвэрлэхээр төлөвлөөд байгаагаа мэдээллээ. 4.6 инчийн дэлгэцтэй энэхүү гар утас дэлгэгдэж 7.3 инчийн таблет болдог, нэгэн зэрэг гурван аппликейшн ажиллуулах боломжтой. Мөн “Galaxy Fold” нь хагас терабайтын багтаамж, 12 гигабайтын рамтай үзүүлэлтээрээ сүүлийн үеийн зөөврийн компьютертой өрсөлдөхүйц хүчин чадалтай юм байна. Түүнчлэн зургаан камер, хоёр зай хураагууртай юм. “Galaxy Fold”-ийг дөрөвдүгээр сарын 26-наас эхлэн худалдаанд гаргах бөгөөд үнэ нь 1980 ам.доллароос эхэлнэ.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com