ОХУ-ын эрчим хүчний салбарт тэргүүлэгч "Rosneft" компани Вьетнам дахь үйл ажиллагаагаа өргөжүүлэхээр боллоо. Тус компанийн мэдээлснээр Москва хотод Игорь Сечин "Vietnam Oil & Gas" буюу "PetroVietnam" компанийн тэргүүнтэй уулзаж хамтарсан хайгуул, боловсруулах төслүүдэд хамтран ажиллах талаар ярилцжээ. "Rosneft" компани 2006 онд олон улсын зах зээлд хувьцаагаа гаргаснаас хойш Азийн зах зээлд анхаарал хандуулж эхэлсэн. Тухайлбал 2013 онд БНХАУ руу 25 жилийн хугацаанд 270 тэрбум ам.долларын үнийн дүн бүхий газрын тос нийлүүлэх гэрээг байгуулж байсан. "Rosneft"-ийн тэргүүн Игорь Сечин "PetroVietnam" компанийг стратегийн түнш болохыг онцолсон байна. Мөн компанийн зарим боловсруулах үйлдвэрт газрын тос нийлүүлэх сонирхолтой байгаагаа илэрхийлжээ

Б.Батманлай

Холбоо барих: Batmanlai.b@bloombergtvmongolia.com 

Tsatsralt.b@bloombergtvmongolia.com