Дэлхий дахинд улаанбуудай болон глютен агуулаагүй хоол хүнс хэрэглэх хандлага нэмэгдсээр байна. Энэ ч утгаараа “Pizza Hut" түргэн хоолны сүлжээ глютен агуулаагүй пиццагаа нэгдүгээр сарын 26-наас хэрэглэгчдэд хүргэхээр төлөвлөжээ. Эрүүл хооллолтыг дэмждэг болон хэвлийн хөндийн өвчлөлтэй хүмүүс глютен агуулсан хүнсийг хэрэглэхээс зайлсхийдэг. Тиймээс “Pizza Hut" компани глютен агуулаагүй пицца бэлтгэхдээ эрүүл ахуйн шаардлагыг чухалчлан үзсэнээ онцолжээ. Тодруулбал энэ төрлийн пиццаг бэлтгэхдээ тусгай зориулалтын хэрэгсэл болон бээлийг ашиглаж байгаа аж. Глютен агуулаагүй хоол хүнсний зах зээл 2012 онд 4.2 тэрбум ам.долларт хүрээд байсан бол 2017 онд 6.6 тэрбумд хүрэх тооцоог “Packaged Facts" судалгааны байгууллагаас гаргажээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com