“Pfizer” болон “BioNTech” компани “COVID-19”-ийн эсрэг вакцин үйлдвэрлэлийнхээ энэ оны зорилтот хэмжээг хоёр тэрбум тунд хүргэж нэмэгдүүллээ. Герман дахь шинэ үйлдвэр нь ирэх хоёрдугаар сарын эцсээр ашиглалтад орно. Дангаараа жилд 750 сая тунг үйлдвэрлэх юм байна.

Дэлхийн Эрүүл Мэндийн Байгууллагын эрдэмтдийн баг бүрэлдэхүүн удаан хойшилсны эцэст энэ долоо хоногт БНХАУ-д очиж ажиллах гэж байна. “COVID-19”-ийн үүсэл гарлыг тогтоох судалгаа явуулах юм.

Япон улсын Засгийн газар лхагва гарагт Осака, Киото, Хёго мужуудад онц байдал зарлахаар төлөвлөж байгаа талаар “NHK” мэдээллээ. Үүнээс өмнө Токиод онц байдал зарлаад байгаа юм.

Польш улс хөл хорионы арга хэмжээгээ энэ сарыг дуустал хоёр долоо хоногоор сунгажээ. Ерөнхий боловсролын сургуулиуд үргэлжлүүлэн цахимаар хичээллэх юм байна.

Португалын Ерөнхийлөгч “коронавирус”-ийн халдвар авсан нь тогтоогдсон байгаа бөгөөд тэрбээр тусгаарлалтад байгаа юм байна. Тус улсын хэмжээнд “COVID-19”-ийн улмаас эндсэн хүний тоо цар тахал эхэлснээс хойших хамгийн дээд хурдаар нэмэгдээд байна.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com