БНХАУ-д үүсээд буй автомашины хагас дамжуулагчийн хомсдол 10 гаруй жил үргэлжилнэ гэж тус улсын Засгийн газрын дэргэдэх инновацын төвийн менежер онцоллоо.

Дотооддоо автомашины чип үйлдвэрлэх ноу-хау дутмаг байгаа, мөн геополитикийн хурцадмал байдал үүнд нөлөөлнө гэж тэрбээр тайлбарласан байна. Өөрөөр хэлбэл БНХАУ-ын компаниуд автомашины ухаалаг системд ашиглах хагас дамжуулагчийг өөрсдөө үйлдвэрлэх хүртэл асуудал шийдэгдэхгүй гэж үзэж байна.

Үүнээс гадна цар тахлын улмаас үүсээд байгаа хомсдол богино хугацааных, аажимдаа хэвийн байдалд орно гэж харж байгаагаа дурджээ. Цар тахлын улмаас тээвэрлэлт саатаж, сүүлийн хэдэн долоо хоногт автомашины хагас дамжуулагч олон улсад ховордоод байна. БНХАУ-ын хувьд автомашины үйлдвэрлэлд олон төрлийн чипийг импортолж байгаа юм.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com