Японы видео тоглоомын томоохон үйлдвэрлэгч "Nintendo" компани зөөврийн "DS" консолийнхаа шинэ загвар болох "2DS"-ийг ирэх аравдугаар сарын 12-ноос эхлэн худалдаанд гаргахаар болжээ. 129 ам.долларын үнэтэй энэхүү зөөврийн консол нь "3D" системгүй бөгөөд "DS"-ийн бүx загварын тоглоомуудыг тоглуулах боломжтой юм байна. Энэхүү бүтээгдэхүүнийг "Nintendo" компанийн зүгээс илүү боломжийн үнээр хэрэглэгчдэд хүргэх зорилгоор үйлдвэрлэж байгаа аж. Хэдийгээр хямд үнэтэй ч уг консолын дэлгэцийг нь эвхэж болдоггүй, мөн гадаад үзэмж нь өмнөхөөсөө тааруухан учраас сайн борлуулагдахгүй байж магадгүй гэж шинжээчид үзэж байна.Түүнчлэн тус компани ирэх есдүгээр сарын 20-ны өдрөөс эхлэн 'Wii U" консолынхоо үнийг 50 ам.доллароор хямдруулахаа мэдэгджээ. Удахгүй гарах "Sony" компанийн "PlayStation IV", "Microsoft" компанийн "Xbox One" зэрэг консолуудтай өрсөлдөх боломжийг бий болгох, мөн ирэх 2014 оны гурван сард дуусах санхүүгийн жилд багтаан есөн сая ширхэг консолыг борлуулах зорилгодоо хүрэхээр "Nintendo" компанийн зүгээс дээрх арга хэмжээг авч байгаа юм байна.

Б.Цэнгэл

Холбоо барих:minjma.g@bloombergtvmongolia.com