Видео стриминг үйлчилгээний “Netflix” компанийн хэрэглэгчдийн тоо өнгөрсөн оны сүүлийн гурван сарын хугацаанд 8.51 саяар нэмэгдэж, бүртгэлтэй нийт хэрэглэгчдийнх нь тоо 200 сая даваад байна.

Үүнд “Bridgerton”, “The Queen’s Gambit” гэх цувралууд нөлөөлсөн гэж тус компани тайлбарлаж байна. Үүнээс гадна өнгөрсөн улиралд “Netflix”-ийн бэлэн мөнгөний нөөц 8.2 тэрбум ам.доллар хүрсэн байна. Ингэснээр “Netflix” үйл ажиллагаа ажиллагаагаа тэлэхэд ямар нэгэн зээл авах, нэмэлт санхүүжилт татах шаардлагагүй болсон гэгдээ мэдэгджээ.

Түүнчлэн хувьцаагаа эргүүлэн худалдан авах талаар судалж эхэлсэн байна. Энэхүү мэдээллийн дараа тус компанийн хувьцааны ханш 13 хувиар өсжээ.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com