“Motorola” компани 5G сүлжээ дэмжих “Edge” болон “Edge+” шинэ загварын ухаалаг гар утаснуудаа танилцууллаа.

“Edge Plus”-ийн хувьд 6.7 инчийн Full HD, OLED дэлгэцтэй, дэлгэц нь ирмэггүй гэдгээрээ онцлог аж. “Snapdragon” 865 процессор, 12 гигабайт санах ой, 256 гигабайт багтаамжтай. “Motorola” компани гурван камертай шинэ загвараа 999 ам.доллароор худалдаална. 108 мегапикселийн нягтаршилтай камер нь “Samsung”-ийн “Galaxy S20 Ultra”, “Xiaomi”-ийн “Mi Mix Alpha” зэрэг гар утаснуудтай өрсөлдөхүйц юм байна.

Харин энгийн “Edge” загварын процессор, санах ой, камерын нягтаршил зэрэг гол үзүүлэлтүүд нь арай бага хүчин чадалтай аж. “Motorola” компани одоогоор худалдаалах үнээ хараахан зарлаагүй байна.

Б.Ариунболд | @Ariunbold_Bat

Холбоо барих: ariunbold.b@bloombergtvmongolia.com

minjma.g@bloombergtvmongolia.com