“Moody's” агентлаг ОХУ-ын зээлжих зэрэглэлийг “Bа1”-ээс “Bаа3” болгон ахиуллаа. “S&P” болон “Fitch” агентлаг өнгөрсөн онд ОХУ-ын зээлжих зэрэглэлийг дээшлүүлсэн юм.

Энэ удаад “Moody's” тэдэнтэй ижил шийдвэр гаргаж байгаа нь газрын тосны ханш эргэн сэргэж байгаатай холбоотой гэж шинжээчид тайлбарлаж байна. Зөвлөлтийн үеэс хойш ОХУ-ын Засгийн газар анх удаа тэтгэврийн насыг нэмсэн, мөн нэгдүгээр сарын нэгнээс Нэмэгдсэн өртгийн албан татварыг нэмсэн зэргээр тус улс дотооддоо нөөцөө өсгөх арга хэмжээ авч байгаа нь үнэлгээг сайжруулахад нөлөөлсөн нэмэлт хүчин зүйл болжээ.

"Олон улсын агентлагуудын үнэлгээ ОХУ-д хөрөнгө оруулах гаднын хөрөнгө оруулагчдыг татах эерэг хүчин зүйл болж байна. Цаашид зээлжих зэрэглэлээ улах ахиулах шинэ нөхцөлийг бүрдүүлэхэд Засгийн газар анхаарах болно" гэж ОХУ-ын Сангийн сайд Антон Силуанов амлаад байна.

“Moody's” агентлаг 2015 онд ОХУ-ын зэрэглэлийг бууруулахад газрын тосны ханш унаж байсан, мөн зарим улс ОХУ-ын эсрэг эдийн засгийн хориг тавиад байсан нь нөлөөлж байсан юм.

М.Золбоо|@zolboooo

Холбоо барих: zolboo.m@bloombergtvmongolia.com

minjma.g@bloombergtvmongolia.com