Премьер лигийн түүхэн дэх хамгийн муу улирлаа үдсэн “Manchester United” клуб шинэ тоглогчдод их хэмжээний мөнгө зарцуулсны улмаас алдагдал хүлээсэн байна. Зургадугаар сард дуусгавар болсон улиралд 106.1 сая фунт стерлингийн орлого олсноос 5.8 саяын алдагдал хүлээсэн гэж “Manchester United” мэдээллээ. Гэхдээ тус клубын орлого өнгөрсөн оны мөн үеэс 14 хувиар өссөн байна. Харин саяхан шинэ дасгалжуулагчтай болоод байгаа тус клуб алдагдал хүлээх шалтгаанаа шинэ тамирчдын худалдан авалт болон тоглогчдын гэрээний сунгалттай холбон тайлбарлажээ. Тус клуб энэ зун Европын хөлбөмбөгийн түүхэн дэх хамгийн өндөр зардал буюу 150 сая фунт стерлингийг худалдан авалтад зарцуулсан байна. Ингэснээр Аргентины Анхуль Ди Мария болон Колумбийн довтлогч Радамель Фалькао нараар хүчээ нэмээд байна.

Д.Хаш-эрдэнэ

Холбоо барих: khasherdene.d@bloombergtvmongolia.com

minjma.g@bloombergtvmongolia.com