БНХАУ-ын “Minmetals” корпорацийн нэгж Перу дахь “Las Bambas”-ын уурхайг “Glencore Xstrata” компаниас 5.85 тэрбум ам.доллараар худалдаж авахаар тохиролцсон байна. Үүнтэй холбогдуулж “Macquarie Group”-ын шинжээч Жефф Ларгея “Хятадын талын хувьд энэ нь маш сайн хэлцэл боллоо” гэж дүгнэжээ. “Las Bambas”-ын ордод 2015 оноос эхлэн жилд 400 мянган тонн зэс үйлдвэрлэхээр төлөвлөж байгаа аж. Харин энэ нь зэсийн хэрэглээгээрээ дэлхийд БНХАУ-ын 2013 онд импортолсон нийт зэсийн 12.5 хувьтай тэнцэхүйц хэмжээ юм. Түүнчлэн төлөвлөгөөний дагуу БНХАУ-ын Төрийн өмчит компанийн мэдэлд очихоор болоод байгаа “Las Bambas” уурхайн бүтээн байгуулалтын ажлын 56 хувийг энэ оны эцэс гэхэд дуусгахаар болсон байна. Харин үүнд 2.4 тэрбум ам.долларын хөрөнгө оруулалт шаардлагатай болно гэж “Glencore Xstrata” компаниас мэдээлж байсан юм. БНХАУ-ын хувьд өнгөрсөн онд 3.2 сая тонн зэс, 10.1 сая тонн зэсийн хүдэр импортлоод байгаа бөгөөд Дэлхийн металлын статистикийн товчооноос гаргасан мэдээллээр 2013 онд тус улс дэлхийн зэсийн нийт хэрэглээний 47 хувийг дангаараа бүрдүүлжээ. “Нүүрсний орд газрыг худалдаж авна гэдэг нь БНХАУ-ын хувьд түүхий эдийн нийлүүлэлтээ хангах гэсэн стратегийн алхам болж байна” гэж “Essence Securities”-ын шинжээч Хен Кун дүгнэсэн байна. 

Т.Элиса 

Холбоо барих: elisa.t@bloombergtvmongolia.com

minjma.g@bloombergtvmongolia.com