БНСУ-ын агаарын тээврийн хамгийн том компани болох “Korean Air” үйлчлүүлэгчдийнхээ тоо нэмэгдүүлж байгаатай холбогдуулан 3.7 тэрбум ам.доллараар шинэ “Боинг” онгоцнууд худалдаж авахаар боллоо. Худалдаж авах онгоцнуудын дотор таван ширхэг “Boeing 747-8 Intercontinental”, таван ширхэг “787 Dreamliner” орж байгаа юм байна. “Boeing 747”-ийн шинэчилсэн загварыг худалдаж авснаар өмнө нь хэрэглэгдэж байсан 15 хуучин “747-400 jumbо” онгоцуудыг 2017 он гэхэд үйлчилгээнээсээ бүрмөсөн хасахаар төлөвлөж байна. Тус компани гуравдугаар улиралд 338.5 тэрбум вонын цэвэр ашигтай ажилласан бол борлуулалт нь гурван хувиар буурч 3.18 их наяд вон болжээ. Эдгээр үзүүлэлт гарсны дараа “Korean Air”-ийн хувьцаа пүрэв гарагт таван хувиар нэмэгдэж, 38 мянга 750 вон болж өссөн байна.

Б.Энхболд

Холбоо барих: enkhbold.b@bloombergtvmongolia.com

minjma.g@bloombergtvmongolia.com