“JPMorgan Chase” Их Британийн банк бус санхүүгийн байгууллага “Lendinvest”-д 686 сая ам.долларын хөрөнгө оруулахаар боллоо.

Энэхүү хөрөнгө оруулалтаар тус улсад түрээсийн зориулалттай үл хөдлөх хөрөнгө болон моргейжийн зээл олголтыг санхүүжүүлнэ гэж “JPMorgan” мэдээлсэн байна. "Lendinvest" компани байгуулагдсан цагаасаа хойш 3.5 тэрбум фунт стерлингийн зээл олгоод байгаа аж. Мөн тус компанийн хүлээн авсан зээлийн хүсэлтийн тоо өнгөрсөн оны дөрөвдүгээр сараас есдүгээр сарын хооронд 27 хувиар өссөн байна. Их Британид моргейжийн зээлийн зах зээл тогтвортой байгаа нь хөрөнгө оруулалт татах гол хөшүүрэг болоод байгаа аж.

Үүнээс гадна “JPMorgan” банк тус улсад дижитал банкны үйл ажиллагааг хөгжүүлэх зорилтын хүрээнд хөрөнгө оруулахаар болоод буй юм. Өмнө нь 2019 онд “Lendinvest” компани нь “HSBC” банктай 200 сая фунт стерлингийн гэрээ байгуулж байсан ажээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com