Австралийн Засгийн газар тэтгэлгийнхээ хэмжээг нэмснээр 2014 оноос IELTS-ийн шалгалтад бэлтгэх сонирхолтой хүмүүсийн тоо эрс нэмэгдсэн гэж “Santis”, “ESP” зэрэг сургалтын төвүүд мэдээллээ. Үүнээс өмнө TOEFL-ийн шалгалт өгөх сонирхолтой хүний тоо IELTS-ийнхаас өндөр байжээ. Тухайлбал “Jet” сургалтын төвд 2016 онд 360 орчим хүн IELTS-ийн шалгалт өгөхөөр бэлтгэх сургалтад сууж байсан. Харин 2018 оны байдлаар энэ тоо 560 болж өссөн талаар тус сургалтын төв онцоллоо. Харин TOEFL-ийн шалгалт өгөхөөр сургалтад суусан хүний тоо 2018 онд 239 болж, 2016 оныхоос 15 орчим хувиар буурчээ.

Хэлний шалгалт өгөх эрэлт нэмэгдсэнээр сургалтын төвүүд олширч байна гэж “Santis” боловсролын төв үзжээ. Харин сургалтын төвүүд нэмэгдэх нь өрсөлдөөнийг ширүүн болгохоос илүүтэйгээр хяналтгүй, стандарт хангаагүй газруудыг бий болгож байна гэж тус төв үзэж байна.

“Inlingua Mongolia”-ийн Ерөнхийлөгч Андрью Оргил

“Jet School of English”-ийг үүсгэн байгуулагч, Захирал Ц.Чинзориг

Сургалтын төвүүд IELTS, TOEFL-ийн шалгалтад гурван долоо хоногоос хоёр сарын хугацаанд бэлддэг. Сургалтын төлбөр нь хугацаанаасаа хамаарч 580 мянгаас 1 сая 80 мянган төгрөгийн үнэтэй байна. Харин “Talk Talk English” сургалтын төвийн хувьд улиралд нэг элсэлт авч, жилд 50 гаруй хүнийг IELTS-ийн шалгалтад бэлтгэж байгаа юм.

“Talk Talk English” боловсролын төвийн Ерөнхий захирал Ч.Амарсанаа

М.Уянга

Холбоо барих: uyanga.m@bloombergtvmongolia.com