"Invest Mongolia" ямар онцлогтой болж өнгөрөв
"Invest Mongolia" чуулга уулзалт найм дахь жилдээ Улаанбаатар хотод зохион байгуулагдлаа. Энэ удаагийн чуулга уулзалтад төр засаг, бизнесийн 500 орчим төлөөлөгч оролцсон бөгөөд оролцогчдын идэвх жилийн өмнөхөөс 20 орчим хувиар нэмэгджээ. Түүнчлэн хууль, эрх зүйн орчинд томоохон өөрчлөлтүүд гарснаас гадна БНХАУ-ын эдийн засгийн өсөлт удааширсан үед зохион байгуулагдсанаараа өмнөх жилүүдээс ялгаатай байлаа. Мөн "Оюу Толгой"-н асуудалд илүү хүлээцтэй хандаж эхэлснээ хөрөнгө оруулагчид илэрхийлсэн юм. "Оюу Толгой" төслийн хоёр дахь шатны хөрөнгө оруулалт хүлээгдэж байгаа нь зөвхөн хөрөнгө оруулагч болон Засгийн газраас шалтгаалаагүй харин системийн чанартай асуудал гэж оролцогчид дүгнэж байсан юм. Үүнээс гадна БНХАУ-ын эдийн засгийн өсөлт удааширсан ч Монгол Улсын зэсийн экспорт буурах хэмжээнд нөлөөлөхгүй гэж "CRU" компани дүгнэж байгаагаа танилцуулсан. Монгол Улс уул уурхайн бүтээгдэхүүний экспортоо богино хугацаанд нэмэгдүүлэх замаар орлого бүрдүүлж бусад салбараа хөгжүүлэх талаарх санал энэ удаагийн "Invest Mongolia"-ийн үеэр дахин давтагдлаа.
Б.Дуламхорлоо
Холбоо барих: Dulamkhorloo.b@bloombergtvmongolia.com
Tsatsralt.b@bloombergtvmongolia.com